Martxoaren 20an, igandean, ospatu du aurten Floreaga ikastetxeak bere zaindariaren jaia, San Jose festa, Floreagako Guraso elkartearen eguna.
11:00etako meza zuzendu du On Jose Antonio Prol, salestar zuzendariak, eta ondoren, txistu doinuaz eta dantzariez lagundurik, jende ugari goiko patiora joan da.
Euskal dantzen erakustaldi bikaina ikusi dugu jarraian. Ondoren, LH4tik DBH2rainoko ikasleentzat, Floreagako Ipuin Lehiaketako sariak banatu dira. Aurten ere erredakzio maila altua izan omen da.
Guraso Batzordeak txorizo pintxoak prestatu ditu, guztiei banatzeko, salda gozoarekin edo beste tragoxka batekin batera.
Ondoren, mahai jolasen txapelketa izan dugu. Futbolinean, finalean Jon Urresti – Lourdes Zubizarreta eta Elezgarai aita-semeei Julian-Xabier bikoteari irabazi diote gutxigatik, eta ping-pongean Unai Ucin izan da irabazlea.
Gainera, futbol partida bat jokatu da, gurasoen eta semeen artea. Oraingoan, gurasoen eskarmentua izan da garaile.
Eguraldi bikaina izan dugu eta jende ugari hurbildu da patiora, elkarrekin une atsegin bat ospatzera, elizako mezetatik ere etorri den jendea barne. Zorionak eta eskerrik beroenak Floreagako Guraso Elkarteari eta Batzordeari. Primerako eguna izan da!!
Hitzak: Juan Inazio Sudupe
Argazkiak: Javier Camarón, Juan Luis Uria eta Juan Inazio
Utzi erantzuna