Ikasturteko azken eguna aproposa izaten da egindako lana aitortzeko. Hala egin dugu aurten bi irakaslerekin: Fatima eta Maribelekin. Fatimak Haur Hezkuntzako koordinazioan sei urte eman eta gero beste bati utziko dio lekukoa ; Maribelek 25. urtea egin du aurten Floreagan lanean. Biei eskertu nahi izan diegu egin duten lana. Ikasturteari bukaera bazkari eder batekin eman genion beti bezala.
FATIMA
Ez da erraza lankide askoren
jarduna koordinatzea,
batzuetan alai, besteetan triste
izaten dugu trantzea.
Sei urte jada hasi zinela,
kostatzen da akordatzea,
Fatima, zuk egin duzun bideak
bikaina du balantzea.
Koldo lehenbizi, Mikel, Itxaro,
horra zure familia.
Baina haurtxo askori eman diezu
bihotzaren beste erdia.
Eguneroko irakaspena,
irribarre eta izerdia,
ume askoren bigarren etxe
bihurtu duzu Floria.
MARIBEL
Erlijioan erakusten du
giza bihotzen Jabea.
Dudarik gabe Matematika
dugu bizitzan habea.
Akanpadetan berotu ohi du
maitasunaren labea.
Maribel dugu dohain hauez gaindi
eskulanetan trebea.
Patxi eta On Luisen garai hartatik
zilarrezko oihartzuna.
Gurasoengandik jaso zenuen
bihotz bero eta biguna.
Erdi zikloko umeek dute
zugan ama eta laguna.
Bizitza osoa eman duzunez,
har guztion erantzuna.
Bertsoak: Juan Inazio
Utzi erantzuna