Ondo eginiko lanak ematen duen pozarekin atera ginen Baztartxotik. Ordu betez euskara hutsean eta bertsotan burutzen den ekitaldi bikainean parte hartu eta entzule bezala gozatu ondoren. Horixe baita jaialdi honen helburua: lehenik eta behin Euskara lantzea, bigarrenik talde lana suspertzea eta guzti hori ahal dela gozamenetik. Helburu guztiak bete genituelakoan nago.
Urte osoko lanaren emaitza den jaialdi honetan oso gai ezberdinak agertzen dituzten lau saio eskaini genituen: 5Akoek sentimenduei buruz aritu ziren, 5Bkoek mahai jolasen inguruan, 6Akoek Zeruko atean aritu ziren San Pedroren aurrean euren bekatuen berri ematen eta 6Bkoek, azkenik, lan ezberdinetan gerta daitezkeen xelebrekeriez aritu ziren.
Aurretik egindako lanak emaitza bikaina izan zuen. Baina ez nuke idatzi hau ikasleak zoriondu gabe amaitu nahi: ZORIONAK guztioi, batez ere izan duzuen jarrerarengatik.
Hitzak: Mailu Irizar
Argazkiak: Amaia Alberdi eta Juan Ignacio Sudupe
Bideoak: Zezilio Salas
Utzi erantzuna