IGARTUBEITIA BASERRIA: XVI. MENDERA EGINIKO BIDAIA
Autobuseko ordu erdiko bidaia aski izan dugu XVI. mendera bidaia egiteko. Ezkio-Itsaso baserrira iritsi orduko irudimena lanean hasten da: baserri ataria, baserriaren gainaldeko egurrezko orma, etxe barruko sukalde, gela, altzari, ganbara… Beste garai bateko aztarna zoragarrien artean pasa dugu eguna.
Garai batean bezalaxe aritu gara baratzean: letxugak landatu, gindilak bildu, urtaro bakoitzeko generoen errepasoa egin… Egia esan, nabari da gure inguruan nekazaritza indartsu dagoela ikasleak ondo baino hobeto moldatu baitira monitoreak eginiko galderak erantzuten eta baratzean lanean.
Baina zalantzarik gabe, Igartubeitian, dolarea da bereziena: hasiera-hasierako egitura mantendu dute eta aurrez aurre ikusi ahal izan dugu duela 5 mende nola egiten zuten sagardoa eta zein garrantzitsua zen garai hartako biztanleentzat. Muztioa probatzeko aukera ere izan dugu eta mozkortzeko beldurrik gabe nahi adina edan ere bai.
Gero bertan dagoen interpretazio zentroan baserriaren eta bertan bizi izandakoen historia ezagutu ditugu eta horren aitzakian baita garai bateko ohitura, tresna, lanbide etab. ere.
Gelan adina edo gehiago ikasita itzuli gara etxera!
Hitzak : Mailu Irizar
Argazkiak: Mailu Irizar eta Laura Murillo
Utzi erantzuna