URRUZUNO sariak banatu dira.
Gaur goizean jaso dute saria, Eusko Jaurlaritzaren Lakuako egoitzan, 2017ko Urruzunotarrak Gehituz literatura ekimenean irabazle izan diren 20 neska-mutil gazteek. Bost egunez Elgoibarko Aubixa baserrian egonaldia egingo dute orain gazteok. Izan ere, irailaren 4tik 8ra, euren sormena lantzeko literatura-tailerrak izango dituzte aterpetxe horretan, baina baita berriro eskolara itzuli aurretik elkarrekin egun gogoangarri batzuk pasatzeko aukera ere. Sari banaketa ekitaldian parte hartzaile izan dira Lucia Torrealday Hezkuntza Berriztatzeko zuzendaria, eta Gari Berasaluze idazlea, aurtengo edizioan epaimahaikide eta liburuaren hitzaurrearen egilea. 32. ediziora iritsi da aurten Eusko Jaurlaritzak gazteen literatur zaletasuna bultzatzeko antolatzen duen lehiaketa.
Parte hartzeari dagokionez, 103 lan aurkeztu dira aurten sariketara: 67 lan A mailan (prosan 54, eta poesian 13), eta 36 B mailan (prosan 28 eta poesian 8). Urruzunotarrak Gehituz ekimenaren epaimahaia berriz, aurten ere literaturan jantziak diren aditu eta idazleek osatu dute: Leire Bilbao, Goiatz Labandibar, Gari Berasaluze, Peru Iparragirre eta Jasone Osorok.
Irabazleen artean FLOREAGA ikastetxeko aurreko ikasturteko ikaslea ohia den Julene Iturbe Epelde dago.
POESIA B maila
Julene Iturbe Epelde
Idazlanaren izenburua: Otsaila
Ikastetxea: Azkoitiko San Jose de Floreaga
Hitzak eta argazkia: Eusko Jaurlaritza
Utzi erantzuna