Egun on adiskideok!!
Plastikoen aurkako borrokarekin jarraitu behar dugu. Aurreko astean, arazoari buruz hitz egiten egon ginen eta oraingo honetan, ea irtenbiderik ba al dagoen plastikoak murrizteko.
Ba bai, badaude irtenbideak; baina ez dira oso errazak. Japoniar zientzialaria den Dr. Shosuke Yoshidak eta bere taldeak, analisiak eta froga asko egin ondoren, bakterio bat aurkitu dute plastikoa “jan” egiten duena, Ideonella sakaiensis jarri diote izena. 30 gradutako tenperatura batean dagoen plastiko lamina bat jan dezake baina 6 aste irauten ditu prozesu horrek. Beraz ez da hain erraza.
Baina badago beste izaki bizidun bat, plastiko jalea den arra, azkarrago jaten duena plastikoa. Berez, anelidoen familiko kide honek, Galleria mellonella izenekoak, erleen eztia eta abaraska jaten ditu baina emakume zientzialari italiar batek, Federica Bertocchinik, aditzera eman du aurkikuntza berri hau. Goian aipatu dugun bakterioa baino azkarrago jaten omen ditu plastikoak, baina hala ere, ezingo zuten gizakiok sortzen ditugun hondakin plastiko danak jan.
Eta azkenik, Europar Batasunak esan duenez, 2030erako sortzen diren eta diseinatzen diren plastiko guztiak, birziklagarriak eta berrerabilgarriak izatea nahi du. Berri on bat borrokalariok!
Beraz, 3.irtenbide bat daukagu, gure esku dagoena: saiatu plastikodun ontziak ez erosten, frutak edo opilak eta abar, plastiko zorrotxoetan banan-banan etortzen diren horiek, ez erosi, ongi birziklatu eta ahal bada, murriztu plastikoaen erabilpena.
Ez etsi eta jarrai dezagun lan egiten gure munduaren alde!!
Utzi erantzuna