Zer moduz atera zen jaialdia? Galdera hauxe izan zen nagusi maiatzaren 8an, Lehen Hezkuntzako irakasle eta ikasle askok bai baitzekiten bezperan, 7an, 3. zikloko ikasleak Gu ere bertsotan programaren baitan jaialdia eskaini behar genuela Baztartxon. Eta hauxe izan zen parte hartu genuenon eta ikusle gehienen erantzuna. Mundiala!
Egia esan oso ondo atera zitzaigun emanaldia. Oso serio eta fin aritu ziren gure kirolari aldrebesak, hankaz gora dagoen mundu xelebreko biztanleak, barrehiztegiak eta baita euskal kulturako protagonistak ere. Urduri atera ziren oholtzara baina mikrofono aurrean hazi egin ziren eta emaitza bikaina izan zen. Gustura eta gozatuz aritu ziren gure artista gazteak eta gustura eta gozatuz egon ziren ikus-entzuleak ere.
Baina guztia hain ondo atera zedin ezinbestekoa izan zen lankide eta gurasoen laguntza. Mila esker jaialdia baino lehen eta jaialdi egunean laguntzen aritu zineten lankide eta gurasoei.
Hitzak: Mailu Irizar
Argazkiak: Mari Piris
Utzi erantzuna