Bai, bikain pasa ditugu azken hiru egunak Hondarribian. Azkar pasa zaizkigu, ziurrenik oso ondo pasa dugulako.
Urduri abiatu ginen asteazken goizean. Ekintza ezberdinak, aterpetxe ezberdina, dena zen berria aurten. Aquariuma izan zen gure lehenengo geldiunea. Bisita zoragarria burutu genuen eta gidaren azalpenei esker baita ikaragarri ikasi ere.
Eguraldia lagun, bapo bazkaldu genuen Kristina-enean eta bostak aldean aterpetxera iritsi ginen. Sartu orduko antzeman genion toki ederra eta batez ere oso egokia zela ondorengo egunak igarotzeko.
Hondartzako, aterpetxeko eta parkeko jolas artean igaro genuen osteguna. Ostiralean berriz, eguraldiak asko lagundu ez bazigun ere, Hondarribian, herrian izan ginen eta txanpon batzuk gastatzeko aukera izan genuen.
Aurten lehenengo aldia izanik, egonaldiari nota bat jartzeko eskatu ziguten ikasleoi eta gehienok 9,5ekoa eman genion. Irakasleak ere ados zeuden. aurtengo kanpaldiak 9,5a merezi zuen.
Utzi erantzuna