Egunean Behinek, tribial estiloko galdera erantzunen jokoak, izugarrizko arrakasta izan du euskal gizartean. Hainbesterainokoa ze honako hau bosgarren denboraldia izan baita. Izenak berak dioen moduan egunean behin partida bakar bat joka daiteke. 10 galdera erantzun behar dira ahalik eta azkarren. Beti ere ematen diren 3 erantzun posibleetatik bat aukeratuz.
Azaroaren 9an DBHko ikasleekin, bi talde osaturik, jokatzen hastea erabaki genuen guk ere. Gelaz gela esplikatu genien zer zen eta nahi zuenari parte hartzeko aukera eman genion. Eguzkiloreko ikasleek bi taldetan sailkatu zituzten parte hartu nahi zuten 93 ikasleak: DBH1 eta DBH2ko ikasleak batean eta DBH3 eta DBH4ko ikasleak beste batean. Excell orri bat osatu zuten eta astero han txertatzen joan ziren bakoitzak lortutako puntuak.
Horrela bada, fin-fin aritu ziren 6 astez jokatzen eta hainbat motatako galderak erantzun beharra izan zuten. ZORIONAK bereziki irabazleei, baina baita parte hartzaile guztiei ere. Bejondaizuela guztiok!
Utzi erantzuna