Saguzarrak animalia gautarrak dira. Horregatik, egunean zehar aterperen batean deskantsatzen dute eta gauean janaria harrapatzera irteten dira. Guk hori egin beharko bagenu, linternak erabili beharko genituzke ezer ikusteko, ilunpetan ez baitugu tutik ere ikusten. Baina saguzarrek ez dute halakorik erabiltzen; beraz, zer egiten dute hegan ari direla zuhaitzen kontra istripurik ez izateko, edota guztia iluna dagoenean, intsektuak ehizatzeko?
EKOLOKALIZAZIOA izeneko trikimailua erabiltzen dute!
Zertan datza ordea, ekolokalizazioak? Uhinen erabileran oinarritzen den metodoa da. Saguzarren kasuan, uhin hauek sudurretik edo ahotik irteten dira. Hauek bota ondoren, uhinak inguruko objektuekin talka egin eta oihartzunak sortzen dituzte. Oihartzun horiek saguzarren belarriek jaso eta informazio hori garunera bidaltzen dute, hark oihartzuna irudi bilaka dezan. Era honetara, inguruan dituzten objektuen tamaina eta forma zein den jakiten dute.
Iturria: askabiologist.asu.edu webgunea
Saguzarrena agian noizbait entzunda zeundeten, baina ba al zenekiten animalia hauek ez direla ekolokalizazioa bezalako metodoak erabiltzen dituzten bakarrak? Izurdeak eta katxaloteak ere erabiltzen dute!
Iturria: askabiologist.asu.edu webgunea
Eta ez animaliak bakarrik, gizakiok ere ekolokalizazioa gureganatu dugu, baina nola? Gure itsaspekoetan erabiliz! Bai, bai, horiek ozeanoen iluntasunean mugitzeko RADAR izeneko sistema bat dute!
Iturria: askabiologist.asu.edu webgunea
Gehiago jakin nahi baduzue, bideo hau ikustera animatzen zaituztegu!
Kontsultatutako iturriak:
- Sanz-Azkue, I., Agirre, E. (2021). Gure faunari eta florari begira. (2021). Dober eta Aranzadi argitaletxea.
- National Geographic. (2022, uztailak 27). La ecolocalización , el secreto de los murciélagos para “ver” en la oscuridad. https://labur.eus/8av0o
- Arizona State University-School of Life Science. Ask a biologist saila. Murciélagos, ¿qué es la ecolocalización? https://labur.eus/wm22j
Utzi erantzuna