Kaixo guztioi!
Hemen gaituzue ikasturte berriarekin batera EUSKARAren alde lanean jarraitzeko ilusioz beterik. 2013-2014 ikasturte honetan taldea eraberritu egin da eta DBH3 eta DBH4ko ikaslez osaturiko ikasle batzordea dugu.
Gure eginkizunen baitan, liburutegiaren ardura dago. Dakizuen moduan, liburutegian hainbat eta hainbat liburu daude irakurriak izateko zain, zuen eskuen artean egoteko irrikaz. Bada gu ere hantxe izango gaituzue asteartero (jolas orduan) liburuak aurkitzen eta mailegatzen laguntzeko.
Bestalde, ikasturte honetan ere, lanean jarraituko dugu kartelak egiten, Euskararen Egunaren inguruko ekintzak antolatzen, informazioa gelaz gela pasatzen … Baina batez ere ikastetxeko kide garen guztion BIHOTZEAN eta AHOAN EUSKARA egon dadin ahalegintzen.
Eta ez ahaztu zuen proposamenak eta ekarpenak ezinbestekoak direla, guztion artean egin behar baitugu lan!!! Zain izango gaituzue.
Hizkuntza ikasle batzordea
Utzi erantzuna