Astean zehar LHkoak “Urola” eta “Kakute” taldeetan bilduta txapelketari heldu diote. Egunero kezka eta urduritasuna, gogoa eta ilusioa nork irabaziko zuen jakiteko.
Astelehenean DBHkoek AL-ANON taldeko hiru kideren hitzaldi hunkigarria entzuteko aukera izan genuen. Asteartean Joseina Etxeberriaren irrati-musika saioaz gozatu eta ikasteko aukera izan genuen. Asteazkenean Siro López-en mimoaren ikuskizunaz gozatu ahal izan genuen. Ordubete pasatxo gustura pasa genuen antzokian.
Ostegun arratsaldean LHkoak Baztartxora joan ziren “Ametsen Fabrika”ren munduko estreinaldia ikustera … Txomin, herriko eta eskolako mutikorik jakintsuenak gustuko ametsak egiteko makina bat sortu du, “Amets system”, horrela bere amesgaiztoak bukatuko diren esperantzan. Aitari kasurik egin gabe, etxeko garajean lan handia hartu du, baina lo hartzean, makina “on” eran jartzean, … han agertu dira otso beldurgarria (Eguzkiñe neska pinpirinaren ordez), eta sorgin gaiztoa, erratz eta guzti, Olentzeroren ordez … Beraz makinak ez du ongi funtzionatu!!
Txominek eta aitak oso ondo egiten zuten bertsotan, eta gozatu ederra hartu dugu!! Azkenean, Txominek ondo irakatsi digu: aita eta amari kasu egin behar diegu, beraiei lagundu … eta gainera amets onak egiteko ez da makinarik behar, baizik eta lo natural egitea !!! Oso ondo pasatu dugu, Txomin, aita eta amarekin.
Bitartean DBHkoak gelaka jolasetan aritu ziren. Irabazleak DBH 3B gelakoak izan ziren. Saririk egongo ote?
Eta asteari bukaera emateko, ostiralean, On Bosco eguna. LHkoak goizean meza eta On Bosco lehiaketaren sari banaketa. Segidan jolasak izan dituzte, hauetan DBH 4ko ikasleen eta LHko irakasleen laguntzarekin oso ondo pasa dute ikasleek. Arratsaldean pelikula dibertigarria ikusi ahal izan dute.
DBHkoek goizean burutu zituzten beraien ekintzak, hasteko mezaren eta ondoren pelikula izan dute.
Probetxuzko astea! Pozik pasa dugun astea! Ikasteko, ilusionatzeko, amesteko, fidatzeko aukera eman digun astea!
[…] Otras fotos de la fiesta […]