Dum!! Dum!! Dum!! Danbor hotsa!!!
San Andresetako Azkoitiko Danborrada azaroaren 22an ospatu zen, festa herrikoi handi baten gisa ospatu ere!!!
Primerako eguraldia, epel, ateri, … eta primerako giroa. Lehenagoko asteetan entseguak izan ziren, Euskal Telebista bisitari eta guzti! Larunbatean, afari ederra egin zuten konpainiek, Floreagakoek Joseba jatetxean. Eta gero, ordua iritsi zenean, han irten ginen denak, unisonoan danborrak jotzen, musika piezei jarraituz (Deba, Tambores, Umore Ona, …), gure gidariei jarraituz.
Aingeru kalean hasi eta amaitu zen danborrada. Tartean, geldialdiak egin genituen Herriko plazan, Balda plazan, Urkixo kalean, eta berriro kalean gora Herriko plazan. Oraingoan pieza guztiak jo genituen, udaletxeko balkoian talde guztien ikurrin eta banderak eta agintariak aurrez aurre.
Herriko festa jendetsu eta alaia, kantinera ederki apainduak, gure jardunaren kalitatea (inguruko herrietatik ere ikastera eta gozatzera etortzen dira…), … festa bikaina izan zen. Floreagako bi konpainiak (ikasle ohi gazteak eta gurasoak) oso fin aritu ziren, beste guztiak bestela. Hurrengo urtera arte!!! Dum, dum, dum, dum !!!
Hitzak: Juan Inazio Sudupe
Argazkiak: Lourdes Alberdi
Utzi erantzuna