San Andres igandea egun ederra izan zen. Eguraldi kaskarra egin zuen, baina hala ere jende ugari atera kalera, Azkoitiko festaz gozatzera … Goizean goizetik, salmenta tokiak eta plazako postuak muntatu ondoren, baserritarrez jantzitako neska eta mutil ugari joan ziren Txuri Urdin elkarteak antolatzen duen marrazki lehiaketan parte hartzera. Kalean trikitilari talde bikaina aritu zen, Zendoiari omenaldi eta guzti … Eguerdian herri kirol jaialdi ederra izan zen, … Goiz ederra, txerritxoak eta abereak ikusteko, talo eta ogitarteko bikainak jateko …
Arratsaldean eguraldiak okerrera egin zuen. Kontzejupeko pilota txapelketako finaleko partidak ikusi eta sari banaketan parte hartzeko aukera izan zen. Azkoitiko arraunlaria den Jon Unanueri ere omenaldi xume eta gozoa egin zitzaion. Dantzan aritzeko musika ere izan genuen …
Denetik. Eskolen postuetan giro alaia eta animazio handia egon zen. Esan beharrik ez dago inguruko talorik onenak jateko aukera izan genuela, batez ere Floreagakoak. Eta gero astelehena jai!!!
Otarren zozketan sarituak honako zenbakiak suertatu ziren: Kolore Arrosa: Saria 5927 eta Erreserba 1069; Kolore Horia: Saria 8284 eta Erreserba 5576. Zorionak!!!
Hitzak: Juan Inazio Sudupe
Argazkiak: Juan Inazio Sudupe
Utzi erantzuna