ON BOSCO ASTEARI AMAIERA EMANEZ, ON BOSCO EGUNA
On Bosco asteko ekintzekin jarraituz, hainbat jarduerez gozatzeko aukera izan dugu azken hiru egunotan ere. Txikienentzat gynkana ezin hobea antolatu zen asteazken arratsaldean ikastetxeko frontoian. Arratsalde bikaina igaro zuten lokotx bilketan, sokatiran, aulkien jokoan eta musikari jarraituz dantzan LHko ikasleak gidari zituztelarik. Amaitzean, geletan zain zuten ondo irabazitako merienda, indarrak berreskuratu ahal izateko.
Ostegun arratsaldean, berriz, LHkoek Jon beldurgabea antzerkiaz gozatzeko beta izan zuten. DBHkoentzat jolasak aurreikusita bazeuden ere, bertan behera uztea erabaki zen. Dena den, aurrerago izango dute jolasetan parte hartzeko aukera.
Eta asteari bukaera emateko, ostiralean On Boscoren egun handia ospatu genuen. HHkoek mezarekin eman zioten hasiera egunari, arratsaldean Aitzol Villahozen txotxongilo emanaldi batekin jarraituz. LHkoek, aldiz, meza entzun ostean, hamarretakoa eta DBH 4ko ikasleen laguntzaz, jolas ezberdinez gozatzeko parada izan zuten. Arratsaldean, berriz, pelikula dibertigarri bat izan zen ikusgai.
DBHkoentzat ere, eguna mezarekin hasi zen goizeko hamarretan. Jarraitzeko, hamarretako paregabea eta pelikula izan zituzten.
Ekintza ugari On Bosco eta bere jaitozaren berrehungarren urteurrena eguna ospatzeko!!!
ARGAZKIAK: Maje Zubizarreta, Mireia Amilibia, Olatz Ucin, Ana Ruiz de Azua, Maria Arenas, Juan Inazio Sudupe, Zezilio Salas eta Cristina Garate.
Utzi erantzuna