Jose Manuel Arenasen aldeko meza ospatu zen otsailaren 8an Floreagako elizan, 13.00etan, ikastetxeko honetako Komunitate Hezitzaileak antolatuta. Mezetan Jaungoikoari eskerrak eman genizkion Jose Manuelen bizitza eta eredu onarengatik eta berari omenaldi xume bat egin genion, familia eta adiskide askorekin batera, otoitz giroan. Eliza beteta zegoen.
Hasieratik Jose Manuelen argazkia izan genuen pantailan, eta bere antzerkitarako dekorazio bat aldare ondoan. Bibliako irakurgaien ondoren, Guraso Elkartearen eta Floreagako lankideen hitzak entzun genituen. Jarraian DBH1 eta 2ko ikasleek bertsoak kantatu zituzten. Apaizak ere Jose Manuelen eredu ona azpimarratu zuen.
Eskaintza sinbolikoak izan genituen: antzerki dekorazioa, danborra, Gure Artean aldizkariaren lehenbiziko alea, Jose Manuelen liburuak, … eta ohorezko aurreskua.
Mezaren amaieran, bere gustukoa zen “Xorieri mintzo zen” kantatu zuten DBH2 neska batzuek, bere omenezko bideo hunkigarria ikusi genuen, eta familiaren izenean eskerronezko hitzak entzun genituen.
Jose Manuel gizon ona izan zen, … bere inguruan ontasunezko haziak banatu zituen. Eta fruitu ederrak jaso eta jasoko ditu. Isabel emaztea eta Jagoba eta Ibon semeei jende askoren hitzak biltzen dituen liburu bat eman zaie. Eskerrik asko parte elizkizunean hartu zenuten guztioi, Floreagaren eta etxekoen partez.
Hitzak: Juan Inazio Sudupe
Utzi erantzuna