Maiatzaren 21ean, Maria Laguntzailearen ospakizunen bezperan, Floreaga Ikastetxeko Familien festa izan dugu.
Arratsaldean zehar, entretenimentu eta ekintza ugari izan ditugu. Puzgarri handiak izan dituzte umeek gozatzeko: Ludoteka, Mickyren etxea eta Jauzien etxea. Ume txikienak segituan hasi dira aurpegiak margotzen eta karetak prestatzen. Kirolen arloan, futbito eta 3×3 saski baloi lehiaketa izan ditugu. Haur, gaztetxo eta gurasoez osaturiko taldeak osatu eta “Grand Prix” edo gymnaka ederra egin da, trebeziaz eta umorez osatutako frogak gaindituz. Patatadun tortila lehiaketan sukaldari onak agertu dira. Dantza ugari izan dugu patioan, monitore bikainen eskutik … Eguraldiak lagundu digu, arratsalde erdira arte ateri egon baita. Gero, ekaitza etorri denean, jolasek patio berde estalian izan jarraitu dute.
Frontoian, afaltzeko 450 pertsonentzat tokia prestatuta zegoen. Aurrez harturiko txartela ekarri behar zen. Afariaren aurretik, Alai Batzako koruak aurtengo pastoral kanpainako kantua eskaini digu: bikain!! Guztiz bete dira frontoiko 450 tokiak. Familia bakoitzak bere afaria ekarri du, eta ondokoekin partekatu dute gehienek. Eskolak guztientzat kafea eskaini du, Javier “Kixona”ren eskutik.
Solidaritate Bingo bat egin dugu ondoren, frontoian bertan. Jasotako dirua Beninera bidaliko da. Diskotekan dantza ugari egin dugu, bai txikiek eta baita helduek ere. Ordu txikietan frontoia guztiz txukundu, dena jaso eta erretiratu egin gara. Festa zoragarria izan dugu aurten ere, familia giro zoragarrian!!! Mila esker IGEko kide, antolatzaile, ABko monitore eta partaide izan zareten guztiei.
Hitzak eta argazkiak: Juan Inazio Sudupe
Utzi erantzuna