Poliki-poliki, ari gara azken bi urteetan bertan behera gelditutako ekintzak berreskuratzen. Gaur, DBH 4ko ikasleok, Zumaiako harraldea ezagutzen pasa dugu goiza.
Lehenengo, Itzurungo hondartzatik hare laginak hartu ditugu gero gelan mikroplastikoen inguruko azterketa egiteko. Itsas behera hurbildu ahala, Algorri inguruko haitzetara jaitsi gara, bertako biodibertsitatea ezagutzeko asmoz. Alga mota desberdinez gain, olagarroa, karramarroak, nekora, itsas tomateak, itsas trikuak, etab. ikusi ditugu. Goiza geologiako azalpen interesgarriak entzunez amaitu dugu.
Irteera ederra izan da, hurrengoaren zain gaude dagoeneko!
Utzi erantzuna